DRRM

          Ang DRRM (Disaster Risk Reduction Management) ay isang seminar at workshop na nagbibigay ideya sa mga estudyante kung ano- ano ang dapat na gawin kung sakaling magkaron at makaranas ang ating bansa ng sakuna o anumang trahedya tulad ng bagyo, lindol, pagbaha, sunog at marami pang iba. Sa naganap na DRRM, ako'y naliwanagan na dapat tayo ay handa sa kung ano man ang paparating. Marami rin ako dito natutunan tulad ng hazards, risks ,capacities, basic aid at life support. Para sa akin ang mga ito ay iilan lamang sa dapat malaman upang tayo maging handa sa mga parating na sakuna. Sa aking pagpunta sa DRRM, kami ay tinuruan na dapat mas mataas ang ating capacities o kapasidad upang ang masasamang mangyari ay mababaan.

          Ito ay dapat mapagaralan dahil dito nakasalalay ang buhay ng mas nakakarami at ang mismong buhay natin. Kungito ay hindi natin masosolusyonan tayo ay makakaranas na mas masamang pangyayari at mas nakakagimabalang sakuna. Katulad na lamang ng ginawa namin bilang isang grupo. Kami ay naglista ng lahat ng pwedeng mapuntahan kung sakaling magkaroon ng matinding sakuna sa aming lugar. Naglagay rin kami ng aming pwedeng gawin katulad ng pagipon ng mga gamit na pwedeng maktulong kung sakaling kami ay mangailangan. Dahil dito ako ay mas naging handa at dapat maghanda pa. Dahil dito ako ay pumunta sa aming barangay at nagsagawa ng isang "interview" sa isang barangay official.

         Sa pagpunta ko sa aming barangay akin nadatnan na ito ay nagsasagawa ng feeding program at pagbibigay ng mga gamot sa nakatatanda. Ako ay nasiyahan na ito ay nagsasagawa ng ganitong programa dahil alam ko na sila ay kumikilos at tumutulong sa mahihirap sa komunidad. Ako ay nagtanong sa aming barangay chairman na si Marlon Lacson kung ano ang kanilang ginagawang pagpaplano para sa mga dadating na sakuna. Sila naman ay nagsabing napakarami nilang ginagawa tulad ng pagbili ng iba't ibang kagamitan. Kagamitan gaya ng First-aid kit, pagimbak ng food supplies, mga flashlight , gamot at marami pang iba. Sila rin ay nakagawa na ng plano at kung ano ang dapat gawin kung sakaling magkaroon ng sakuna. 

         Bilang isang mamamayan, ako naman ay dapat rin kumilos upang at komunidad ay maging mas ligtas at maayos kung sakaling magkaroon ng sakuna. Ako ay dapat na makipagtulungan sa aking barangay at sumali sa kanilang mga proyekto ukol sa pagiging ligtas ng ating komunidad. Dapat rin magsimula mismo sa akin ang pagaayos upang ang iba ay makasabay sa mga ito. Tulad ng paglalay ng mga kagamitan at pagsasaayos ng paligid ng aming bahay.

          Itong pagpaplano ay di lamang para sa iilan kung hindi ay para sa lahat dahil dito natin mailalagay ang ating komunidad at ang ating sarili sa kaligtasan. Ang sakuna ay biglaan at ito ay hindi namimili ng oras kaya naman ang pagplaplano ay hindi dapat gawin bukas o sa mga susunod na araw, linggo, buwan o taon. Kung hindi ay dapat ngayon na dahil buhay na ng tao ang nakasalalay dito. Ngayon na, para kung sakaling dumating ang di inaasahan tayo ay handa at maalam sa kung ano ang ating gagawin